Naturopati

Foto:stock.xchng

Denne artikkelen er under revidering. Deler av innholdet vil bli endret i 2012.

Naturopati er ei heilskapleg behandlingsform som særleg leggjer vekt på kosthald og ernæring som ein del av terapien. Avgifting og rensing av kroppen kan òg vere sentralt. Metoden dreiar seg meir om førebyggjing enn om motarbeiding av lidingar. Naturopati omfattar blant anna urtemedisin, blomstermedisin, soneterapi, hydroterapi, meditasjon, yoga og øyreakupunktur.

For å stille ei diagnose vil ein naturopat intervjue klienten om noverande sjukdom, symptom, arv, tidlegare sjukdom, kosthald, søvn, stress, bruk av alkohol og tobakk. Terapeutar søkjer å minske mengda med fysiologiske og psykologiske belastingar slik at kroppen kan lækje seg sjølv. Ein naturopat vil samstundes oppmode klientane sine til eigenomsorg for å lukkast i å auka livskvaliteten. Det kan til dømes vere å få dagleg mosjon, sol og frisk luft, i tillegg til riktig kosthald og meditasjon. Nokre naturopatar anbefaler klientar om å ikkje nytte vaksiner.

Naturopati nyttast ved ulike helseplagar som til dømes kroniske lidingar, matintoleranse, vanskar med fordøying, underernæring, overernæring, hormonelle ubalansar, søvnvanskar og leddplagar. Nokon vel å bruke naturopati som førebyggjande mot stress og belastingssjukdomar.

Naturopati har røter frå Tyskland, og blei vidareutvikla i USA på byrjinga av 1900-talet.

Forsking

NIFAB bruker Cochrane Librarys metastudier som kjelde til informasjon om forsking på verknad. Les meir om vårt val av kjelder og framgangsmåte her.

Verkar det?

Naturopati er ei terapiform sett saman av fleire ulike behandlingsmetodar. Det finst ikkje forsking på naturopati som heilskapleg behandlingssystem. For informasjon om forsking på dei ulike metodane som inngår i naturopati, klikk på metoden det gjeld, i menyen til venstre.

Sjølv om det kan finnast enkeltstudiar og systematiserte brukererfaringar på effekten av naturopati, reknast ikkje dette som solid dokumentasjon.

Er det trygt?

Det finst ikkje solid dokumentasjon om tryggleiken ved bruk av naturopati, men samstundes er det ikkje registrert risiko for alvorlige biverknadar.

Biverknadar

Dersom du opplever negativ effekt som du meiner skuldast naturopati, bør du kontakte lege.

Vær merksom på at det kan oppstå helseskade dersom instruktøren ikkje rådar klienten til å oppsøkje naudsynt medisinsk behandling. Dette gjeld alle typar alternativ behandling

Bruk av naturopati og/eller anna alternativ behandling bør aldri erstatte medisinsk hjelp og behandling frå den offentlege helsetenesta. Les meir om dette i NIFAB si pasientveiledning.

Referansar

• NCCAM: An Introduction to Naturopathy
• Norske Naturopaters Landsforbund
• NOU 1998:21, Alternativ medisin, Naturopati